Mediat maqedonase: Shqipëria heq karantinën me Maqedoninë e Veriut dhe Greqinë

“Shqipëria ka vendosur të heqë karantinën dy javore për Maqedoninë e Veriut dhe Greqinë” kështu shkruan mediat maqedonase.

“Alsat” shkruan se Komiteti i Ekspertëve ka vendosur që të heqë karantinën dy javore për ata që vijnë nga Maqedonia e Veriut apo Greqi drejt Shqipërisë.

Kujtojmë që karantina më vendet fqinje zgjati për dy javë. Pak më parë burime për media të ndryshme bënë me dije se do të hiqet edhe ora policore, por mbetet për t’u parë.

Nesër Komiteti Teknik do të mblidhet për të njoftuar nëse do të hiqen masat anti-Covid apo do të mbeten në fuqi.