Transformoi pronat nga lidhjet me krimin/ Ja çfarë e pret Adriatik Llallën

Advertisement

Prokuroria e Posaçme (SPAK) i paraqiti të premten Gjykatës së Posaccme të Shkallës së Parë konkluzionet përfundimtare për çështjen penale në ngarkim të ish-kryeprokurorit Adriatik Llalla, i cili akuzohet për fshehje të pasurisë.

Sipas SPAK, Llalla akuzohet se e ka kryer këtë vepër penale tre herë. Një investigim i mëparshëm, BIRN tregoi se si Llalla transformoi një investim fillestar prej 16.3 milionë lekësh në prona me vlerë mbi 1 milionë euro përmes transaksioneve me një person të dënuar për vrasje, një biznesmen-fitues tenderi në Prokurori dhe një instruktor hipizmi i përdorur si sekser tokash.

Prokurori i çështjes, Klodian Braho i kërkoi gjykatës në seancën e të premtes deklarimin fajtor të Llallës për veprën penale të fshehjes së pasurisë dhe dënimin e tij me 2 vjet heqje lirie. Nëse gjendet fajtorë Llalla do të përfitojë nga aplikimi i  gjykimit të shkurtuar uljen e 1/3 së dënimit, duke mbetur si dënim përfundimtar në masën 1 vit e 4 muaj burgim.

Advertisement

Akuza e ngritur sipas nenit 257/a, paragrafi i dytë parashikon dënime nga gjobë deri në 3 vjet burg. Gjithashtu ndaj Llallës u kërkua si dënim plotësues përjashtimi nga Shërbimi Publik për 5 vite. Më herët për shkak të dorëheqjes, ndaj Llallës është sanksionuar prej Kolegjit të Posaccëm të Apelimit ndalimi 15 vjet për të qenë pjesë e sistemit të drejtësisë.

Përfaqësuesi ligjor i Llallës, avokati Sokol Hazizaj kërkoi që të paraqesë konkluzionet e tij përfundimtare në seancën pasardhëse, që u caktua të zhvillohet më datë 2 prill.

Advertisement
218