Joe Biden zbulon paketën e ndihmës 1.9 trilion dollarë

Advertisement

Presidenti i zgjedhur i Shteteve të Bashkuara të Amerikës (SHBA) Joe Biden ka zbuluar sot paketën e ndihmës prej 1.9 trilion dollarësh për ekonominë amerikane përpara se ai të marrë detyrën javën e ardhshme.

Nëse kjo paketë miratohet nga Kongresi do të përfshijë 1 trilion për familjet me pagesa direkte prej 1400 dollarësh për të gjithë amerikanët, madje Biden ka premtuar të mundë pandeminë e cila i ka marrë jetën më shumë se 385.000 amerikanëve.

Propozimi për ndihmë përfshin 415 miliardë dollarë për të luftuar virusin dhe 440 miliardë dollarë për bizneset e vogla .

Gjatë fushatës që bëri vitin e kaluar ai u zotua të bënte një punë më të mirë për të trajtuar virusin sesa Presidenti në ikje, Donald Trump.

Gjatë një fjalimi ditën e premte Biden tha ”Ne kemi përpara një krizë të vuajtjeve njerëzore dhe nuk ka kohë për të humbur“.

Advertisement

“Shëndeti i kombit është në rrezik. Ne duhet të veprojmë dhe duhet ta bëjmë tani. Do të ketë pengesa, por unë do të jem gjithmonë i sinqertë më ju, si për përparimin që po bëjmë ashtu dhe për pengesat që ne hasim”, shtoi ai.

“Përhapja e vaksinave në SHBA ka qenë një dështim i tmerrshëm deri tani,” tha Biden.

Administrata e tij synon në vaksinojë 100 milion persona në 100 ditë. Biden theksoi se plani do të mundësojë punësimin e 100.000 punonjësve të shëndetit publik.

Advertisement
209