Gjykata Kushtetuese rrëzon pretendimet e Aleancës për Teatrin: Takimi me Sorecën ka qenë i planifikuar

Advertisement

Aleanca për Teatrin ka depozituar sot në Gjykatën Kushtetuese një kërkesë, për përjashtimin e kryetares Vitore Tusha, nga vendimarrja për çështjen në fjalë.  Në mesditë, ka ardhur edhe reagimi i Gjykatës Kushtetuese, e cila përmes një shkrese hedh poshtë të gjitha pretendimet e Aleancës për Teatrin.

Në këtë shkresë, Gjykata Kushtetuese sqaron se takimi mes kryetares së GJK dhe ambasadorit të BE-së, Luigi Soreca ka qenë i planifikuar. Referuar deklaratës, Gjykata Kushtetuese thotë se gjatë takimit Tusha-Soreca nuk është folur për çështje konkrete.

Më herët, edhe delegacioni i Bashkimit Evropian në Shqipëri reagoi në lidhje me këto akuza , duke i quajtur shpifje dhe të pabazuara.

Reagimi i Gjykatës Kushtetuese:

Në përgjigje të kërkesës suaj të datës 30.06.2021, drejtuar Gjykatës Kushtetuese, kërkesë e cila është bërë publike edhe në media, duke tërhequr edhe një herë vëmendjen për spekulimet dhe presionet e bëra kohët e fundit ndaj institucionit të Gjykatës Kushtetuese, sqarojmë se sipas nenit 12, pika 2/b, të ligjit nr.8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërise” (ndryshuar me ligjin nr.99/2016), Kryetari përfaqëson Gjykatën Kushtetuese në marrëdhënie me të tretët.

Advertisement

Në ushtrim të kësaj kompetence, Kryetari zhvillon takime me personalitete të ndryshme brenda dhe jashtë vendit lidhur me funksionimin dhe veprimtarinë e Gjykatës Kushtetuese. Dëshirojmë të theksojmë, pa asnjë ekuivok, se në asnjë prej këtyre takimeve nuk është diskutuar për çështje konkrete dhe nuk është bërë asnjë përpjekje, qoftë e drejtpërdrejtë apo e tërthortë, për të ndikuar në vendimmarrjen e kësaj gjykate.

Takimi me Ambasadorin Soreca ka qenë i planifikuar që më parë dhe është zhvilluar në vazhdën e disa takimeve të mëparshme, të cilat kanë pasur në fokus rivënien në funksionim të Gjykatës Kushtetuese, mbështetjen e veprimtarisë së saj, si dhe zbatimin e ecurinë e reformës në drejtësi në Shqipëri.”

Advertisement
245
WP2Social Auto Publish Powered By : XYZScripts.com